දිනකට දෙවරක් දත් මැදීම දන්ත සෞඛ්යයට අත්යවශ්ය බව අප විශ්වාස කළද, දන්ත වෛද්ය විශේෂඥයන් පවසන්නේ වඩා වැදගත් වන්නේ දත් මැදීමේ ගුණාත්මකභාවය මිස වාර ගණන නොවන බවයි.
දිනකට දෙවරක් දත් මැදීම NHS (ජාතික සෞඛ්ය සේවය) නිර්දේශ කළත්, ආචාර්ය ෂර්මා අවධාරණය කරන්නේ, ගුණාත්මකභාවය (quality) ප්රධාන වන බවයි. “ඔබට වේලාව සොයා ගත හැකි නම්, ඔව්, දිනකට දෙවරක් නිසි ලෙස මදින්න. නමුත් එක් වරක් හොඳින් සහ එක් වරක් විනාඩි දෙකක් ඉක්මනින් මැදීම වඩා හොඳයි,” ඔහු පවසයි. දිනකට එක් වරක් පමණක් හොඳින් දත් මැදීමට සහ දත් අතර පිරිසිදු කිරීමට (flossing) ඔබට වේලාව තිබේ නම්, එය සවස සිදු කරන ලෙස ඔහු නිර්දේශ කරයි.
එක්සත් රාජධානියේ වැඩිහිටියන්ගෙන් අඩකට පමණ විදුරුමස් රෝග ඇති වන බවත්, එහි මුල්ම ලක්ෂණය වන්නේ විදුරුමස් වලින් ලේ ගැලීම බවත් ආචාර්ය ෂර්මා පවසයි. “ඔබේ විදුරුමස් වලින් ලේ ගලන්නේ නම් හෝ ඉදිමී තිබේ නම්, එයින් අදහස් වන්නේ ඔබ වඩා හොඳින් දත් මැදිය යුතු බවයි,” ඔහු පෙන්වා දෙයි.
එක් එක් දතක බාහිර, දත් කටගැස්ම සිදුවන (biting) සහ අභ්යන්තර යන පෘෂ්ඨ තුනම මැදිය යුතුය. ආචාර්ය ෂර්මා උපදෙස් දෙන්නේ එක් එක් පෘෂ්ඨය මත වැඩි පීඩනයක් යෙදීමෙන් තොරව කුඩා වෘත්තාකාර චලන භාවිතා කරන ලෙසයි. විශේෂයෙන්ම දත් සහ විදුරුමස් අතර සන්ධිය කෙරෙහි අවධානය යොමු කරන්න, මන්ද විදුරුමස් රෝග ඇති විය හැකි ප්රධාන ස්ථානය එයයි.
දත් මැදීමේදී දුරකථනය දෙස බැලීම වැනි වෙනත් දේවල්වලට අවධානය යොමු නොකර සවිඥානිකව (mindfully) මැදීම වැදගත් බව වෛද්යවරු පවසති. බුරුසුවේ කෙඳිවල ස්පර්ශය කෙරෙහි අවධානය යොමු කරන ලෙස උපදෙස් දී ඇත.
උපුටා ගැනීම: සියළු තොරතුරු BBC ඇසුරෙනි.
