පාලක සභාගය ජූලි මාසයේ පැවති මැතිවරණයකදී ඓතිහාසික පරාජයක් ලැබීමෙන් සති කිහිපයකට පසු, ජපාන අගමැති ෂිගෙරු ඉෂිබා ලිබරල් ප්රජාතන්ත්රවාදී පක්ෂයේ (LDP) සභාපති ධූරයෙන් ඉල්ලා අස්වන බව නිවේදනය කර තිබේ.
මැතිවරණ පරාජය සම්බන්ධයෙන් සිය පක්ෂය තුළින් එල්ල වූ ඉල්ලීම්වලට මුලදී විරෝධය දැක්වූ ඉෂිබා මහතා, එක්සත් ජනපදය සමඟ ඇති කරගත් තීරුබදු ගිවිසුම නිසි ලෙස ක්රියාත්මක කිරීම සහතික කිරීමට තමාට අවශ්ය බව පවසමින්, ඉරිදා දින සිය තනතුරෙන් ඉවත්වීමට තීරණය කළේය.
LDP පක්ෂයේ සභාපති ලෙස ඔහු වෙනුවට නව නායකයෙකු තෝරා ගන්නා තෙක් ඉෂිබා අගමැති ලෙස කටයුතු කරනු ඇත. ඔහුගේ ඉල්ලා අස්වීම, ලෝකයේ සිව්වන විශාලතම ආර්ථිකය වන ජපානය මුහුණ දෙන දේශපාලන අවිනිශ්චිතතාවය තවදුරටත් ගැඹුරු කරයි.
ජීවන වියදම ඉහළ යාම පිළිබඳ ඡන්දදායකයින්ගේ කනස්සල්ල නිසා ඇති වූ මෙම පරාජයන්, ඉෂිබාගේ රජයට එහි ප්රතිපත්තිමය අරමුණු ක්රියාත්මක කිරීම වඩාත් දුෂ්කර විය. රටේ වර්ධනය වන දේශපාලන අස්ථාවරත්වය මධ්යයේ, ජූලි මාසයේ පැවති මහ මැතිවරණයේ ප්රතිඵල සම්බන්ධයෙන් වගකිව යුත්තා ලෙස ඔහුව සැලකූ ඔහුගේ පක්ෂය තුළ සිටි දක්ෂිණාංශික විරුද්ධවාදීන් බොහෝ දුරට ඔහුගෙන් ඉල්ලා සිටියේ ඉල්ලා අස්වන ලෙසයි.
පසුගිය ඔක්තෝම්බර් මාසයේදී සිය ධූරය භාර ගැනීමෙන් පසු, 68 හැවිරිදි මෙම දේශපාලනඥයා මැතිවරණ පරාජයන් රැසකට මුහුණ දුන් අතර, පාර්ලිමේන්තුවේ සභා දෙකෙහිම ඔහුගේ සභාගයේ බහුතරය අහිමි විය.
උපුටා ගැනීම: සියළු තොරතුරු ALJAZEERA ඇසුරෙනි.
