ඉරානයේ මධ්යම සහ බටහිර ප්රදේශවලට එල්ල කරන ප්රහාර තවදුරටත් ව්යාප්ත කර ඇති බවත්, ඉරානය තුළ ප්රහාර එල්ල කිරීමට සුදුසු ඉලක්ක දහස් ගණනක් තවමත් පවතින බවත් ඉශ්රායල හමුදා ප්රකාශක එෆී ඩෙෆ්රින් (Effie Defrin) පවසයි.
තමන් අමෙරිකාවෙන් සටන් විරාමයක් ඉල්ලා නොමැති බව ඉරාන විදේශ අමාත්ය අබ්බාස් අරග්චි (Abbas Araghchi) පවසයි. අමෙරිකාව සමඟ සාකච්ඡා කිරීමට කිසිදු හේතුවක් නැති බවත්, ඉරානය සාකච්ඡා කරමින් සිටියදීම අමෙරිකාව ප්රහාර එල්ල කිරීමට තීරණය කළ බවත් ඔහු අවධාරණය කළේය. මීට පෙර ජනාධිපති ඩොනල්ඩ් ට්රම්ප් ප්රකාශ කළේ ඉරානය ගනුදෙනුවකට කැමති වුවත් ඔවුන්ගේ කොන්දේසි ප්රමාණවත් නොවන බවයි.
ජනාධිපති ට්රම්ප් සහ බ්රිතාන්ය අගමැති කීර් ස්ටාර්මර් අතර පැවති දුරකථන සංවාදයකදී, ලෝක වෙළඳ නාවික ගමනාගමනයට බාධාවක් වී ඇති හෝර්මුස් සමුද්ර සන්ධිය යළි විවෘත කිරීමේ වැදගත්කම පිළිබඳව සාකච්ඡා වී තිබේ. හෝර්මුස් සමුද්ර සන්ධිය විවෘත කිරීමට සහාය නොදෙන්නේ නම් එය නේටෝ සංවිධානයේ අනාගතයට ඉතා නරක බලපෑමක් වනු ඇතැයි ට්රම්ප් මිත්ර රටවලට අනතුරු ඇඟවීමක් ද කර ඇත.
උපුටා ගැනීම: සියළු තොරතුරු BBC ඇසුරෙනි.
