නව යෝජනා අනුව Contactless කාඩ්පත් මගින් සිදු කරන ගෙවීම්වල උපරිම සීමාව පවුම් 100 ඉක්මවීමට ඉඩ ඇත. එමෙන්ම, බැංකු සහ අනෙකුත් සේවා සපයන්නන්ට ගෙවීම් සීමාවන් තීරණය කිරීමට ඉඩ දීමෙන් මෙම ගෙවීම් සඳහා සීමාවක් නොමැති තත්ත්වයක්ද ඇති විය හැකිය.
මෙම යෝජනා අනුමත වුවහොත්, විශාල සුපිරි වෙළඳසැලකදී මිලදී ගන්නා භාණ්ඩ හෝ අවන්හලක විශාල පවුලේ ආහාර වේලක් වැනි පවුම් 100කට වඩා වැඩි වියදම් සහිත මිලදී ගැනීම් පවා කාඩ්පතක් ස්පර්ශ කිරීමෙන් පමණක් කළ හැකිය.
මෙම පියවර මගින් ස්මාර්ට්ෆෝන්වල ඩිජිටල් පසුම්බි හරහා සිදු කරන ගෙවීම්වලට සමාන තත්ත්වයක් ඇති කරනු ඇත. ඒවාට කිසිදු සීමාවක් නොමැති අතර, මිනිසුන් ගෙවීම් කරන ආකාරයේ සිදුවන වෙනස්කම් මෙය පිළිබිඹු කරයි.
2007 දී මෙම කාඩ්පත් ගෙවීම් හඳුන්වා දුන් විට, ගනුදෙනු සීමාව පවුම් 10ක් ලෙස නියම කරන ලදී. මෙම සීමාව ක්රමයෙන් ඉහළ නැංවූ අතර, 2010 දී පවුම් 15 දක්වාත්, 2012 දී පවුම් 20 දක්වාත්, 2015 දී පවුම් 30 දක්වාත්, පසුව කොවිඩ් වසංගතය හේතුවෙන් 2020 දී පවුම් 45 දක්වාත් ඉහළ දැමූ අතර, 2021 ඔක්තෝබර් මාසයේදී එය පවුම් 100 දක්වා ඉහළ නැංවිණි.
උපුටා ගැනීම: සියළු තොරතුරු BBC ඇසුරෙනි.
