එංගලන්තයේ සහ වේල්සයේ අපරාධවලට වරදකරුවන් වන පුද්ගලයින්, නව දඬුවම් නීති යටතේ පබ් (pub) සහ ක්රීඩා තරඟ සඳහා සහභාගී වීමෙන් තහනම් විය හැකි බවට යෝජනා වී තිබෙනවා. ලබන මාසයේදී හඳුන්වා දීමට නියමිත නව නීති යටතේ, අධිකරණවලට රිය පැදවීමේ සහ සංචාරක තහනම් පැනවීමට ද බලය ලැබෙනු ඇත.
මෙම නීති සම්පාදනය මගින්, සිරගෙවල්වල ජනගහනය අඩු කිරීම සඳහා කෙටි සිර දඬුවම් සීමා කිරීමට මෙන්ම, යහපත් හැසිරීම් ඇති සිරකරුවන් ඉක්මනින් නිදහස් කිරීමට ද අවස්ථා සැලසේ.
මෙම පනත, හිටපු කොන්සර්වේටිව් යුක්ති අමාත්ය ඩේවිඩ් ගෝක්ගේ (David Gauke) ස්වාධීන දඬුවම් සමාලෝචනයේ (sentencing review) නිර්දේශ බොහොමයක් ක්රියාත්මක කරනු ඇත. දැනට, පාපන්දු තරඟවලදී ප්රචණ්ඩ ක්රියාවලට වැරදිකරුවන් වන පුද්ගලයින්ට ක්රීඩාංගණවලට පැමිණීම තහනම් කළ හැකිය.
නමුත්, අධිකරණ අමාත්යාංශය (MoJ) අපේක්ෂා කරන්නේ, පුළුල් පරාසයක වැරදි සඳහා මෙම දඬුවම් පැනවීමට විනිසුරුවරුන්ට සහ මහේස්ත්රාත්වරුන්ට බලය ලබා දීමයි. මුදවා හරින ලද සිරකරුවන්ට ද සමාන සීමාවන්ට මුහුණ දීමට සිදු විය හැකි අතර, ඔවුන්ට මත්ද්රව්ය භාවිතය පිළිබඳ ඉතිහාසයක් නොමැති වුවද, අනිවාර්ය මත්ද්රව්ය පරීක්ෂණවලට ලක්වීමට ද සිදුවනු ඇත.
උපුටා ගැනීම: සියළු තොරතුරු BBC ඇසුරෙනි.
