එවරස්ට් කන්ද (Mount Everest) නැගීමට අය කරන ගාස්තු ඉහළ දැමීමත් සමඟ, නේපාලය (Nepal) එහි දුරස්ථ ප්රදේශවල සංචාරක ව්යාපාරය දිරිගැන්වීම සඳහා ඉදිරි වසර දෙක සඳහා හිමාල කඳු (Himalayan mountains) 97ක් නොමිලේ තරණය කිරීමට අවස්ථාව ලබා දී ඇත.
ලොව උසම කඳු මුදුන වන එවරස්ට් කන්ද තරණය කිරීම සඳහා වන අවසර පත්ර ගාස්තු සැප්තැම්බර් මාසයේ සිට ඩොලර් 15,000 දක්වා ඉහළ යනු ඇත. එය දශකයකට ආසන්න කාලයකට පසු සිදු කරන පළමු ගාස්තු වැඩි කිරීමයි. ලෝකයේ උසම කඳු 10න් 8කටම නිවහන වන නේපාලයට, කඳු නැගීමෙන් සැලකිය යුතු ආදායමක් ලැබේ. පසුගිය වසරේදී කඳු නැගීමේ ගාස්තු මගින් ඩොලර් මිලියන 5.9ක ආදායමක් ලැබුණු අතර, එහි වැඩි කොටසක් එවරස්ට් කන්දෙන් ලැබි තිබුණි.
ගාස්තු අය නොකරන කඳු, නේපාලයේ කර්නාලි (Karnali) සහ සුදුර්පාශ්චිම් (Sudurpaschim) පළාත්වල පිහිටා ඇති අතර, ඒවා මීටර් 5,970 (අඩි 19,590)ත් මීටර් 7,132 (අඩි 23,399)ත් අතර උසකින් යුක්ත වේ. නේපාලයේ ඈත බටහිර ප්රදේශයේ පිහිටි මෙම පළාත් දෙක, රටේ දුප්පත්ම සහ අවම වශයෙන් සංවර්ධිත පළාත් අතර වේ.
උපුටා ගැනීම: සියළු තොරතුරු BBC ඇසුරෙනි.
