ඇල්ෆබෙට් (Alphabet) සමාගමට අයත් යූ ටියුබ් (YouTube), ගෝලීය වශයෙන් පරිශීලකයින් දහස් ගණනකගේ වීඩියෝ ප්රවාහන සේවා (video streaming services) වලට බලපෑ ගැටලුවක් නිරාකරණය කළ බව ප්රකාශ කර ඇත.
යූ ටියුබ් සමාගම X (ට්විටර්) හි පළ කළ සටහනක සඳහන් කර ඇත්තේ, එම ගැටලුවට හේතුව කුමක්දැයි නිශ්චිතව නොදැක්වූවත්, පරිශීලකයින්ට දැන් යූ ටියුබ් මියුසික් (YouTube Music), යූ ටියුබ් ටීවී (YouTube TV) සහ එහි ප්රධාන වේදිකාවේ වීඩියෝ නැරඹීමට හැකි බවයි.
සේවා ඇනහිටීම් වාර්තා රැස්කරන ඩවුන්ඩිටෙක්ටර් (Downdetector) වෙබ් අඩවියට අනුව, මෙම ගැටලුව එහි උච්චතම අවස්ථාවට පත් වී ඇත්තේ බ්රහස්පතින්දා පෙරවරුවේදීය. එම අවස්ථාවේදී, එක්සත් ජනපදයේ පරිශීලකයින් 366,172ක් පමණ යූ ටියුබ් සම්බන්ධයෙන් ගැටලු වාර්තා කර තිබුණි. ඩවුන්ඩිටෙක්ටර් පෙන්වා දී ඇත්තේ එක්සත් රාජධානිය, කැනඩාව සහ ඕස්ට්රේලියාවේ ද දහස් ගණනක් සේවා ඇනහිටීම් වාර්තා වී ඇති බවයි.
උපුටා ගැනීම: සියළු තොරතුරු CNA ඇසුරෙනි.
