පසුගිය සති අන්තයේ ඩිස්නිලන්තය පැරිස් (Disneyland Paris) හිදී වරදකරුවෙකු වූ ළමා අපචාරකයෙකු විසින් නව හැවිරිදි දැරියක් සමඟ ව්යාජ විවාහ මංගල්යයක් සංවිධානය කර ඇති බව වාර්තා වීමත් සමඟ බොහෝ දෙනෙක් වික්ෂිප්ත වූහ.
බීබීසී (BBC) ආයතනය තේරුම් ගෙන ඇති පරිදි, මෙය වසර දෙකක් තිස්සේ ඔවුන් විමර්ශනය කරමින් සිටි බ්රිතාන්ය ජාතිකයෙකු වන ජැකී ෂාජ් (Jacky Jhaj) ගේ නවතම විකෘති ක්රියාවයි. ඔහු පිළිබඳව බීබීසීයේ අවධානයට ලක් වී ඇත්තේ 2023 දී යෞවනියකගෙන් අනපේක්ෂිත ලෙස ලැබුණු තොරතුරකින් පසුවය. ඇයව කුලියට ගෙන ඇත්තේ ළමා අපචාරකයෙකුට ප්රශංසා කිරීමට බව දැනගත් විට ඇය බියට පත් වූවාය. ඇය ඔහුට බිය වූ නිසා ප්රසිද්ධියේ කතා කිරීමට ඉදිරිපත් නොවූ නමුත්, ෂාජ් රතු පලසක් දිගේ ගමන් කරන විට ඔහුට කෑගැසීමට සහ ඔහුව ස්පර්ශ කිරීමට උත්සාහ කරන ලෙසට උපදෙස් ලබා දී තිබූ නළු නිළියන් කිහිප දෙනෙකු බීබීසීය සොයා ගත්තේය.
එම වසරේම ලන්ඩනයේ ලෙස්ටර් චතුරශ්රයේ (Leicester Square) පැවති ව්යාජ චිත්රපට මංගල දර්ශනයකදී ෂාජ්ගේ රසිකයන් ලෙස රඟපෑමට කීර්තිමත් නළු නිළි ආයතන විසින් ළමුන් සහ තරුණියන් 200 දෙනෙකු බඳවාගෙන තිබුණි. සමහර අය වයස අවුරුදු හයක් තරම් කුඩා විය.
2016 දී 15 හැවිරිදි දරුවන් දෙදෙනෙකු සමඟ ලිංගික ක්රියාකාරකම් සම්බන්ධයෙන් වරදකරු වී සිරගතව සිටි ෂාජ්ව යමෙකු හඳුනාගෙන තිබුණි. මෙම ව්යාජ රතු පලස් සිදුවීම, ඔහු නිදහස් වීමෙන් පසු සංවිධානය කළ විකෘති ක්රියාදාමයන් රැසකින් එකක් වන අතර, ඒවාට බොහෝ විට ගැහැණු ළමුන් ඔහුගේ රසිකයන් ලෙස බඳවා ගැනීම ඇතුළත් වේ.
උපුටා ගැනීම: සියළු තොරතුරු BBC ඇසුරෙනි.
