නයිජීරියාවේ වයඹදිග ප්රදේශයේ ක්රියාත්මක වන ඉස්ලාමීය රාජ්ය (IS) ත්රස්ත කණ්ඩායමට එරෙහිව ඇමරිකානු හමුදාව “ප්රබල සහ මාරාන්තික ප්රහාරයක්” එල්ල කළ බව ජනාධිපති ඩොනල්ඩ් ට්රම්ප් ප්රකාශ කර තිබේ.
මෙම ප්රහාරය එල්ල වී ඇත්තේ නයිජීරියාවේ සොකෝටෝ (Sokoto) ප්රාන්තයේ ස්ථාන කිහිපයකටය. ඇමරිකානු අප්රිකානු අණසක (Africom) සඳහන් කළේ මෙය නයිජීරියානු රජය සමඟ සම්බන්ධීකරණයෙන් සිදුකළ මෙහෙයුමක් බවයි.
නයිජීරියානු විදේශ අමාත්ය යූසුෆ් මයිටාමා ටුගාර් පවසා ඇත්තේ මෙය ත්රස්තවාදීන්ට එරෙහි හවුල් මෙහෙයුමක් ආගමකට එරෙහිව සිදු වූවක් නොවන බවයි.
පසුගිය නොවැම්බර් මාසයේදී ට්රම්ප් විසින් නයිජීරියාවේ ඉස්ලාමීය සටන්කාමී කණ්ඩායම් මැඩපැවැත්වීම සඳහා ක්රියාමාර්ග ගන්නා ලෙස ඇමරිකානු හමුදාවට නියෝග කර තිබුණි. නයිජීරියාවේ ක්රිස්තියානි ජනතාවට එරෙහිව සිදු වන ප්රචණ්ඩත්වය පිළිබඳව ඇමරිකානු දේශපාලන ක්ෂේත්රය තුළ පවතින දැඩි කනස්සල්ල මෙම තීරණයට බලපා ඇති බව පෙනේ. ඇමරිකානු ආරක්ෂක ලේකම් පීට් හෙග්සෙත් (Pete Hegseth) මේ සම්බන්ධයෙන් නයිජීරියානු රජයේ සහාය අගය කරමින් සිය සුබපැතුම් එක් කර තිබේ.
උපුටා ගැනීම: සියළු තොරතුරු BBC ඇසුරෙනි.
