ප්ලයිමවුත් හි පිහිටි රාජකීය නාවික හමුදාවට (Royal Navy) අයත් යුද නෞකාවක් විසින් ඕමාන බොක්ක (Gulf of Oman) හරහා ගමන් කරමින් තිබූ කුඩා බෝට්ටු තුනක් නවත්වා, පවුම් මිලියන 35ක් (ශ්රී ලංකා මුදලින් ආසන්න වශයෙන් රුපියල් බිලියන 13කට අධික) වටිනා නීතිවිරෝධී මත්ද්රව්ය තොගයක් අත්අඩංගුවට ගෙන ඇත.
මෙම මෙහෙයුම සඳහා, බික්ලි බැරැක්කයේ (Bickleigh barracks) සිටි කොමාන්ඩෝ ස්නයිපර්වරුන් (Commando snipers) යොදාගෙන ඇති අතර, ඔවුන් විසින් බෝට්ටු අක්රීය කිරීම සඳහා මාරාන්තික නොවන බලය (non-lethal force) භාවිතා කර තිබේ. රාජකීය නාවික හමුදාව පැවසුවේ, මෙම විශේෂිත ප්රදේශයේදී ඔවුන් මාරාන්තික නොවන බලය භාවිතා කළ පළමු අවස්ථාව මෙය බවයි.
නාවික හමුදා කණ්ඩායම් තුන්වන බෝට්ටුවේ එන්ජිම අක්රීය කිරීමෙන් පසු එහි තිබී හෙරොයින් (heroin), ක්රිස්ටල් මෙතම්ෆෙටමින් (crystal methamphetamine) සහ කංසා සාන්ද්රිත හැෂිෂ් (cannabis concentrate hashish) ඇතුළු ටොන් 1.5 කට (කිලෝග්රෑම් 1,500) වැඩි මත්ද්රව්ය ප්රමාණයක් සොයා ගෙන ඇත.
මෙම මෙහෙයුම සඳහා නාවික හමුදාවේ වයිල්ඩ්කැට් (Wildcat) හෙලිකොප්ටරය සහ ප්ලයිමවුත්හි පිහිටි 42 කොමාන්ඩෝ (42 Commando) හි සමුද්රීය ස්නයිපර් කණ්ඩායම (Maritime Sniper Team) ද සම්බන්ධ වී ඇත.
උපුටා ගැනීම: සියළු තොරතුරු BBC ඇසුරෙනි.
