පැරිසියේ පිහිටි ලූවර් කෞතුකාගාරයේ (Louvre museum) ප්රවේශපත්ර ගාස්තු, යුරෝපා සංගමයට අයත් නොවන බොහෝ සංචාරකයින් සඳහා 45% කින් ඉහළ නැංවීමට කෞතුකාගාරයේ මණ්ඩලය බ්රහස්පතින්දා තීරණය කර තිබේ.
ලබන වසරේ මුල් භාගයේ සිට, එක්සත් ජනපදය, එක්සත් රාජධානිය සහ චීනය වැනි රටවල සංචාරකයින්ට කෞතුකාගාරයට ඇතුළු වීමට යුරෝ 32 ක් (ඩොලර් 37; පවුම් 28) ගෙවීමට සිදුවනු ඇත. මෙය යුරෝපා ආර්ථික කලාපයෙන් (European Economic Area) පිටත සිටින සංචාරකයින් සඳහා යුරෝ 10 ක වැඩිවීමකි.
මෙම මිල වැඩිවීම, ප්රසිද්ධ කලාගාරය නැවත සකස් කිරීම සඳහා වාර්ෂිකව යුරෝ මිලියන ගණනක් රැස් කරනු ඇතැයි අපේක්ෂා කෙරේ. මිල වැඩි කිරීම මගින් කෞතුකාගාරයේ නවීකරණ සැලසුම් සඳහා සහාය වීම සඳහා සෑම වසරකම යුරෝ මිලියන 15 ත් 20 ත් අතර මුදලක් රැස් කිරීමට අපේක්ෂා කෙරේ.
පසුගිය ඔක්තෝබර් මාසයේදී ඇමෙරිකානු ඩොලර් මිලියන 102 ක් (පවුම් මිලියන 76) වටිනා ස්වර්ණාභරණ සොරකම් කර විනාඩි කිහිපයක් ඇතුළත පලා ගිය සොරකමකින් පසු කෞතුකාගාරයේ ආරක්ෂාව සහ කළමනාකරණය විවේචනයට ලක් විය. සොරකමෙන් ටික කලකට පසු ප්රකාශයට පත් කරන ලද නිල විගණනයකින් ආයතනයේ ප්රමාණවත් නොවන ආරක්ෂක පද්ධති සහ පැරණි යටිතල පහසුකම් ඉස්මතු කර තිබුණි.
උපුටා ගැනීම: සියළු තොරතුරු BBC ඇසුරෙනි.
