රුසියාව විසින් ඩ්රෝන යානා 728ක් සහ මිසයිල 13ක් යොදා ගනිමින් එල්ල කළ ප්රහාරයක් හේතුවෙන්, යුක්රේනයට යුද්ධය ආරම්භ වූ දා සිට වාර්තා වූ විශාලතම ගුවන් ප්රහාරයට මුහුණ දීමට සිදුව ඇත. මෙම ප්රහාරය සාම සාකච්ඡා සහ සටන් විරාම උත්සාහයන් සිදු වෙමින් පවතින අතරතුර සිදුවූවක් බව යුක්රේන ජනාධිපති වොලොඩිමීර් සෙලෙන්ස්කි (Volodymyr Zelenskyy) පැවසීය.
පෝලන්ත දේශසීමාව ආසන්නයේ පිහිටි ලූට්ස්ක් (Lutsk) ඇතුළු යුක්රේනය පුරා නගර රැසකට මෙම ප්රහාර එල්ල වී තිබේ.
ඒ අතර, හිටපු ඇමෙරිකානු ජනාධිපති ඩොනල්ඩ් ට්රම්ප් රුසියානු ජනාධිපති ව්ලැඩිමීර් පුටින්ගේ ක්රියා විවේචනය කරමින්, ඔහුගේ වචන “නිරර්ථක” බවත්, “ඔහුට අවශ්ය වන්නේ මිනිසුන් මරා දැමීම දිගටම කරගෙන යාමට” බවත් කියා සිටියේය.
තවද, ඇමෙරිකාවෙන් යුක්රේනයට ලබා දුන් හමුදා ආධාර මෑතකදී අත්හිටුවීම පිළිබඳව තමා නොදැන සිටි බව ට්රම්ප් හෙළි කළේය. ඔහුගේම කණ්ඩායම විසින් අනුමත කර තිබූ එම තීරණය මේ වන විට අවලංගු කර ඇති අතර, අනාගත ප්රහාරවලින් යුක්රේනය ආරක්ෂා කර ගැනීම සඳහා ඇමෙරිකාව පැට්රියට් (Patriot) මිසයිල 10ක් යැවීමට ඉඩ ඇති බවත් රුසියාව සමඟ වෙළෙඳාම් කරන රටවල් සඳහා දැඩි සම්බාධක පැනවීම පිළිබඳව ද ට්රම්ප් සලකා බලන බවත් වාර්තා වේ.
උපුටා ගැනීම: සියළු තොරතුරු BBC ඇසුරෙනි.
