මැක්‍රොන් යුවළට අපහාස කළ ඇමරිකානු පොඩ්කාස්ට් ශිල්පිනියට එරෙහිව නඩු පවරයි

ප්‍රංශ ජනාධිපති එමානුවෙල් මැක්‍රොන් (Emmanuel Macron) සහ ඔහුගේ බිරිඳ බ්‍රිජිට් (Brigitte) විසින්, ප්‍රංශ ජනාධිපතිවරයාගේ බිරිඳ මීට පෙර පිරිමියෙකු බවට අසත්‍ය ප්‍රකාශ කළ දක්ෂිණාංශික ඇමරිකානු පොඩ්කාස්ට් ශිල්පිනියකට එරෙහිව අපහාස නඩුවක් ගොනු කර තිබෙනවා.

X (ට්විටර්) සහ යූ ටියුබ් (YouTube) හි මිලියන ගණනක් අනුගාමිකයින් සිටින කැන්ඩිස් ඕවන්ස් (Candace Owens) ට එරෙහිව මෙම පිටු 218කින් යුත් පැමිණිල්ල මැක්‍රොන් යුවළ විසින් ඩෙලවෙයාර් උසස් අධිකරණයට (Delaware Superior Court) ගොනු කර ඇති අතර, ජූරි නඩු විභාගයක් සහ නිශ්චිත නොවන දඬුවම් හා හානි පූරණයක් ඉල්ලා තිබෙනවා. ඔවුන්ගේ නීතිඥයා විසින් නිකුත් කරන ලද ප්‍රකාශයක, මැක්‍රොන් යුවළ කියා සිටියේ, ‘බිකමිං බ්‍රිජිට්’ (Becoming Brigitte) නමින් යුත් යූ ටියුබ් සහ පොඩ්කාස්ට් මාලාවක අසත්‍ය සහ අපහාසාත්මක ප්‍රකාශ ඉවත් කරන ලෙස නැවත නැවතත් කළ ඉල්ලීම් ඕවන්ස් විසින් නොසලකා හැරීමෙන් පසුව මෙම නඩුව ගොනු කළ බවයි.

මැක්‍රොන් යුවළට අනුව, මෙම මාලාව මගින් සත්‍ය ලෙසම අසත්‍ය සහ විනාශකාරී බොරු පැතිරවූ අතර, ඊට බ්‍රිජිට් තවත් පුද්ගලයෙකුගේ අනන්‍යතාවය සොරකම් කර කාන්තාවකට මාරු වූ බවත්, මැක්‍රොන් යුවළ අඹුසැමියන් ලෙස අනියම් සම්බන්ධතා පවත්වන බවත් ඇතුළත් විය. ඔවුන්ගේ පැමිණිල්ලේ මැක්‍රොන් යුවළ හමු වූ තත්ත්වයන් සාකච්ඡා කර ඇති අතර, වර්තමානයේ 47 හැවිරිදි ජනාධිපතිවරයා පාසල් සිසුවෙකු ලෙස සිටියදී බ්‍රිජිට් ගුරුවරියක් ලෙස සිටි බවද සඳහන්.

බදාදා (ජූලි 23) සිය පොඩ්කාස්ට් එකේදී ඕවන්ස් පවසා ඇත්තේ, මෙම නඩුව සත්‍ය වශයෙන්ම වැරදි තොරතුරු වලින් පිරී ඇති බවත්, එය ඇගේ චරිතය අපකීර්තිමත් කිරීමට දරන පැහැදිලි සහ මංමුලා සහගත මහජන සම්බන්ධතා උපාය මාර්ගයක කොටසක් බවත්ය.