නයිජීරියානු ඉදිරිපෙළ ක්රීඩිකා ඇසිසැට් ඔෂෝලා, ජාතික කාන්තා පාපන්දු ලීගයේ බේ එෆ්.සී. කණ්ඩායමෙන් සවුදි කාන්තා ප්රිමියර් ලීග් සමාජයක් වන අල්–හිලාල් කණ්ඩායමට එක්ව ඇත.
30 හැවිරිදි නයිජීරියානු ජාත්යන්තර ක්රීඩිකාව අල්–හිලාල් සමඟ වසර දෙකක ගිවිසුමක් අත්සන් කර තිබේ. ඔෂෝලා, 2024 වසරේ බේ එෆ්.සී. කණ්ඩායමේ ආරම්භක වාරයට පෙර බාසිලෝනා කණ්ඩායමෙන් එක් වූ අතර, එහිදී ඇය කාන්තා චැම්පියන්ස් ලීග් ශූරතා දෙකක් දිනා ඇත. සැන් ෆ්රැන්සිස්කෝ බේ ඒරියා කණ්ඩායම සමඟ ඇයගේ පළමු වසරේදී කණ්ඩායමේ වැඩිම ගෝල සංඛ්යාව වන ගෝල හතක් වාර්තා කිරීමට ඇය සමත් විය.
2024 මාර්තු 17 වන දින ඇන්ජල් සිටි කණ්ඩායමට එරෙහිව පැවති තරගයක 17 වැනි මිනිත්තුවේදී බේ එෆ්.සී. කණ්ඩායමේ පළමු ගෝලය වාර්තා කර ඇත. 2023 දී ඇතුළුව, හය වතාවක් අප්රිකානු වසරේ ක්රීඩිකාව ලෙස සම්මාන දිනා ඇති ඔෂෝලා, ජූලි මාසයේදී එහි 10 වැනි අප්රිකානු කුසලානය දිනූ නයිජීරියානු කණ්ඩායමේ ද සාමාජිකාවක් වූවාය.
ඉකොරෝඩු හි උපත ලැබූ ඔෂෝලා, වසරේ හොඳම ක්රීඩිකාව ලෙස සැලකෙන බැලොන් ඩි‘ඕර් සම්මානය සඳහා නිර්දේශ වූ පළමු අප්රිකානු කාන්තාව ද විය.
උපුටා ගැනීම: සියළු තොරතුරු ALJAZEERA ඇසුරෙනි.
