නව ස්මාර්ට්ෆෝන් සියල්ලටම රජය විසින් පවත්වාගෙන යනු ලබන සයිබර් ආරක්ෂණ යෙදුමක් (cybersecurity app) පූර්වයෙන් ස්ථාපනය කරන ලෙස ඉන්දියාව ස්මාර්ට්ෆෝන් නිෂ්පාදකයින්ට නියෝග කර ඇති අතර, මෙය පුද්ගලිකත්වය සහ නිරීක්ෂණ කටයුතු පිළිබඳ කනස්සල්ලට හේතු වී තිබේ.
පසුගිය සතියේ සම්මත කර, සඳුදා ප්රසිද්ධ කරන ලද මෙම නියෝගය යටතේ, ස්මාර්ට්ෆෝන් නිෂ්පාදකයින්ට දින 90 ක කාලයක් ලබා දී ඇති අතර, ඒ තුළ සියලුම නව උපාංග සඳහා රජයේ Sanchar Saathi යෙදුම ස්ථාපනය කිරීමට සිදුවේ. මෙම යෙදුමේ ක්රියාකාරීත්වය අක්රිය කිරීමට හෝ සීමා කිරීමට නොහැකි බව නියෝගයේ සඳහන් වේ. ජංගම දුරකථනයක සත්යතාවය තහවුරු කිරීමට සහ විදුලි සංදේශ සම්පත්වල අපයෝජන වාර්තා කිරීමට පුරවැසියන්ට උපකාර කිරීම සඳහා මෙය අවශ්ය බව රජය පවසයි.
මෙම යෙදුමේ පෞද්ගලිකත්ව ප්රතිපත්තිය යටතේ, එයට දුරකථන ඇමතුම් ලබා ගැනීමට සහ කළමනාකරණය කිරීමට, පණිවිඩ යැවීමට, ඇමතුම් සහ පණිවිඩ ලොග්, ඡායාරූප සහ ගොනු මෙන්ම දුරකථනයේ කැමරාවට ප්රවේශ වීමට හැකියාව ඇත.
බිලියන 1.2 කට අධික ජංගම දුරකථන භාවිතා කරන්නන් සිටින ලොව විශාලතම දුරකථන වෙළඳපොළවල් වලින් එකක් වන ඉන්දියාවේ මෙම පියවර, පුරවැසියන්ගේ පෞද්ගලිකත්ව අයිතිය උල්ලංඝනය කරන බවට සයිබර් විශේෂඥයින් විවේචනය කරයි. ඉන්දියාවේ සන්නිවේදන අමාත්ය Jyotiraditya Scindia පැහැදිලි කළේ, ජංගම දුරකථන භාවිතා කරන්නන්ට මෙම යෙදුම භාවිතා කිරීමට අවශ්ය නැතිනම් එය මකා දැමීමට විකල්පය ඇති බවයි.
උපුටා ගැනීම: සියළු තොරතුරු BBC ඇසුරෙනි.
