ප්රංශයේ නිපදවූ භූමිකා රඟදැක්වීමේ ක්රීඩාව (RPG) වන Clair Obscur Expedition 33 මේ වසරේ පැවති The Game Awards උළෙලේදී වසරේ ක්රීඩාව ලෙස නම් කරමින් වාර්තාගත සම්මාන සංඛ්යාවක් දිනා ගෙන ඇත.
මෙම ක්රීඩාව එය නිර්දේශ වී තිබූ කාණ්ඩ 10 න් නවයක්ම ජයග්රහණය කිරීමට සමත් විය. වසරේ ක්රීඩාව (Game of the Year), හොඳම ආඛ්යානය (Best Narrative), හොඳම සංගීතය (Best Music), හොඳම රංගනය (Best Performance) දිනූ ප්රධාන සම්මාන අතරට වේ.
ඉහළම ත්යාගය සඳහා තරඟ වැදීමේදී, මෙම ක්රීඩාව Death Stranding 2, Nintendo හි Donkey Kong Bananza, Hollow Knight: Silksong සහ Hades 2 යන ක්රීඩා මෙන්ම Kingdom Come: Deliverance 2 වැනි මධ්යකාලීන වික්රමාන්විත ක්රීඩා පරාජය කළේය.
Clair Obscur නිර්මාණය වී ඇත්තේ The Paintress ලෙස හැඳින්වෙන අද්භූත ජීවියෙකු ජනගහනය යම් වයසකින් ඔබ්බට වර්ධනය වීම වළක්වන ලෝකයක් තුළය. The Paintress විනාශ කිරීමේ මෙහෙයුමක නිරත වන වික්රමාන්විතයන් පිරිසකගේ කතාව මෙම ක්රීඩාවෙන් කියැවේ. මෙම ක්රීඩාව එහි හැඟීම්බර ආඛ්යානය සහ පැරණි පාසල්, වාරය මත පදනම් වූ සටන් ක්රමය (old-school, turn-based battles) භාවිතය වෙනුවෙන් ප්රශංසාවට ලක් විය.
උපුටා ගැනීම: සියළු තොරතුරු BBC ඇසුරෙනි.
