2011 වසරේ සිදු වූ විනාශකාරී ෆුකුෂිමා න්යෂ්ටික අනතුරෙන් වසර 15කට පසුව, ජපානය සිය ලොව විශාලතම න්යෂ්ටික බලාගාරය වන කාෂිවසාකි–කාරිවා (Kashiwazaki-Kariwa) බලාගාරය නැවත ක්රියාත්මක කිරීම ආරම්භ කර ඇත.
ටෝකියෝ විදුලිබල සමාගම (TEPCO) විසින් බදාදා (ජනවාරි 21, 2026) රාත්රියේදී මෙහි 6 වන ප්රතික්රියාකාරකය සාර්ථකව පණ ගන්වන ලදී. මෙය ලොව විශාලතම න්යෂ්ටික බලාගාරය ලෙස සැලකෙන අතර, එහි සම්පූර්ණ ධාරිතාව ගිගාවොට් 8.2 (8.2 GW) කි. කෘතිම බුද්ධිය (AI) වැනි නවීන තාක්ෂණයන් සඳහා අවශ්ය වන අධික විදුලි ඉල්ලුම සපුරාලීමට සහ විදේශීය ඉන්ධන මත යැපීම අඩු කිරීමට මෙම පියවර ගෙන ඇති බව රජය පවසයි.
බලාගාරය නැවත විවෘත කිරීම සම්බන්ධයෙන් ජපාන ජනතාව අතර පවතින්නේ බෙදුණු මතයකි. 2011 ව්යසනයට වගකිව යුතු TEPCO සමාගමම මෙම බලාගාරයද පාලනය කරන බැවින්, ජනතාවගේ විශ්වාසය තවමත් පළුදු වී පවතී. අනතුරු ඇඟවීමේ සංඥා (Alarms) පද්ධතියක ඇති වූ දෝෂයක් හේතුවෙන් මෙහෙයුම් කටයුතු ආරම්භ කිරීම දින කිහිපයක් ප්රමාද කිරීමට ද සිදු විය.ශීත කළ උෂ්ණත්වය මධ්යයේ වුවද, ප්රාන්තයේ පදිංචිකරුවන් පිරිසක් බලාගාරය අසල විරෝධතාවල නිරත වී ඇත.
ජපානය සිය බලශක්ති අවශ්යතාවයෙන් 20%-22%ක් න්යෂ්ටික බලයෙන් ලබා ගැනීමට සැලසුම් කර ඇත. වර්තමානයේ න්යෂ්ටික ප්රතික්රියාකාරක 15ක් පමණ නැවත සේවයට එක් කර ඇති අතර, තවත් කිහිපයක් පරීක්ෂණ මට්ටමේ පවතී.
උපුටා ගැනීම: සියළු තොරතුරු BBC ඇසුරෙනි.
