අග්රාමාත්ය මාර්ක් කාර්නි (Mark Carney) ප්රකාශ කර ඇත්තේ, කැනඩාව (Canada) සැප්තැම්බර් මාසයේදී පලස්තීන රාජ්යයක් (Palestinian state) ලෙස පිළිගැනීමට සැලසුම් කරන බවයි. ඒ අනුව, මෑත දිනවල එවැනි ප්රකාශයක් කළ තුන්වන G7 ජාතිය බවට කැනඩාව පත්වනු ඇත.
කාර්නි පවසා ඇත්තේ, මෙම පියවර පලස්තීන අධිකාරිය (Palestinian Authority) ලබන වසරේ හමාස් (Hamas) සංවිධානයෙන් තොරව මැතිවරණ පැවැත්වීම ඇතුළු ප්රජාතන්ත්රවාදී ප්රතිසංස්කරණ මත රඳා පවතින බවයි.
ඔහුගේ මෙම ප්රකාශය නිකුත් වන්නේ, ඊශ්රායලය (Israel) සටන් විරාමයකට සහ වෙනත් කොන්දේසිවලට එකඟ නොවන්නේ නම්, එක්සත් රාජධානියද (UK) සැප්තැම්බර් මාසයේදී පලස්තීන රාජ්යයක් පිළිගන්නා බව නිවේදනය කිරීමෙන් දිනකට පසුවයි. ප්රංශය (France) ද එවැනිම සැලසුමක් සතියකට පෙර එළිදක්වා තිබුණා.
ඊශ්රායල විදේශ අමාත්යාංශය කැනඩාවේ මෙම ප්රකාශය ප්රතික්ෂේප කරමින් එය “හමාස් සංවිධානයට දෙන තෑග්ගක්” ලෙස හඳුන්වා තිබෙනවා. එක්සත් ජාතීන්ගේ (UN) සාමාජික රටවල් 193න් 147ක් වැනි බොහෝ රටවල් පලස්තීන රාජ්යයක් විධිමත්ව පිළිගෙන ඇත. කාර්නි පැවසුවේ, ඉදිරි එක්සත් ජාතීන්ගේ මහා මණ්ඩල සැසිවාරයේදී කැනඩාව විධිමත්ව පලස්තීන රාජ්යය පිළිගන්නා බවයි.
උපුටා ගැනීම: සියළු තොරතුරු BBC ඇසුරෙනි.
