ඕස්ට්රේලියාවේ වයස අවුරුදු 16 ට අඩු අයට සමාජ මාධ්ය තහනම් කිරීමේ නීතිය ක්රියාත්මක කිරීමට පෙර, Instagram, Facebook සහ Threads භාවිතා කරන ලාබාල ඕස්ට්රේලියානු යොවුන් වියේ පසුවන්නන්ට ඔවුන්ගේ ගිණුම් වසා දමන බවට දැනුම් දී ඇත.
සමාජ මාධ්ය සන්නාම තුනේම හිමිකරු වන Meta සමාගම, වයස අවුරුදු 13 ත් 15 ත් අතර යැයි විශ්වාස කරන පරිශීලකයින්ට, දෙසැම්බර් 4 වැනිදා සිට ඔවුන්ගේ ගිණුම් අක්රිය කිරීම ආරම්භ කරන බව කෙටි පණිවුඩ, ඊමේල් සහ යෙදුම තුළ පණිවිඩ මගින් දැනුම් දීම ආරම්භ කර ඇත. ඕස්ට්රේලියාවේ මෙම තහනම දෙසැම්බර් 10 වැනිදා සිට බලාත්මක වීමට නියමිතය. මෙම නීතිය TikTok, YouTube, X සහ Reddit ඇතුළු වේදිකා ගණනාවකට බලපායි. දෙසැම්බර් 4 සිට, වයස අවුරුදු 16 ට අඩු ළමුන්ට Meta සමාජ මාධ්ය වේදිකාවල ගිණුම් සෑදීමට නොහැකි වනු ඇත.
ඕස්ට්රේලියාවේ අන්තර්ජාල නියාමකයා ඇස්තමේන්තු කර ඇත්තේ වයස අවුරුදු 13-15 වයස් කාණ්ඩයේ Facebook භාවිතා කරන්නන් 150,000 ක් සහ Instagram හි යොවුන් වියේ පසුවන්නන් 350,000 ක් සිටින බවයි. Meta සහ අනෙකුත් සමාගම් මෙම පියවරට විරුද්ධ වන නමුත්, ඔවුන් ඊට අනුකූල වන බව පවසා තිබේ. සමාජ මාධ්ය යෙදුමක් බාගත කිරීමට පෙර 16 ට අඩු අයට දෙමාපියන්ගේ අනුමැතිය ලබා ගැනීමට අවශ්ය වන නීතියක් Meta අපේක්ෂා කරයි.
වයස අවුරුදු 16 ට අඩු බවට දැනුම් දී ඇති යෞවනයන්ට, ඔවුන් ප්රමාණවත් තරම් වැඩිහිටි බව ඔප්පු කිරීමට අවශ්ය නම්, ඔවුන්ට සීමා කිරීම අභියෝගයට ලක් කළ හැකිය. මුහුණේ වයස පරිලෝකනය කිරීම සඳහා “වීඩියෝ සෙල්ෆියක්” ලබා දීම, රියදුරු බලපත්රයක් හෝ වෙනත් හැඳුනුම්පතක් ඉදිරිපත් කිරීම සිදුකල යුතුය. එක්සත් රාජධානියේ Age Check Certification Scheme (ACCS) විසින් මෙම සත්යාපන ක්රම සියල්ලම පරීක්ෂාවට ලක් කර ඇත.
උපුටා ගැනීම: සියළු තොරතුරු BBC ඇසුරෙනි.
