එක්සත් රාජධානියේ ස්වදේශ කටයුතු ලේකම් ෂබානා මහමුද් (Shabana Mahmood) සරණාගත ක්රමවේදයට ගෙන එන පුළුල් වෙනස්කම් යටතේ, අසාර්ථක වූ සරණාගත ඉල්ලීම් සහිත තවත් පවුල් එක්සත් රාජධානියෙන් ඉවත් කරන බව නිවේදනය කර තිබේ.
ඩෙන්මාර්කයේ දැඩි සරණාගත ක්රමවේදය ආදර්ශයට ගනිමින් නිර්මාණය කර ඇති මෙම ප්රතිසංස්කරණ, එක්සත් රාජධානියට සරණාගතයින් ආකර්ෂණය වීම වැළැක්වීමට සහ විදේශිකයන් ඉවත් කිරීම පහසු කිරීමට සැලසුම් කර ඇත.
සරණාගත තත්ත්වය ස්ථිර නොවී තාවකාලික වනු ඇත. එය මාස 30 කට (අවුරුදු 2.5) වරක් සමාලෝචනය කරනු ලබන අතර, සරණාගතයෙකුට තම මව් රට ආරක්ෂිත යැයි සලකන විට ආපසු යාමට බල කෙරෙනු ඇත. නීතිවිරෝධී ලෙස පැමිණෙන පුද්ගලයින්ට ස්ථිර පදිංචිය (Permanent Settlement) සඳහා අයදුම් කිරීමට දැනට ඇති වසර පහට වඩා වසර 20 ක් දක්වා දිගු කාලයක් රැඳී සිටීමට සිදුවනු ඇත.
වැඩ කිරීමට හැකියාව ඇති නමුත් එසේ නොකරන හෝ නීතිය කඩ කරන අයට නිවාස සහ මූල්ය ආධාර ප්රතික්ෂේප කළ හැකිය. එක්සත් රාජධානියට පැමිණීමට නව, ආරක්ෂිත සහ නීතිමය මාර්ග හඳුන්වා දෙනු ඇත, ඒ යටතේ ප්රජාවන්ට තනි සරණාගතයින් අනුග්රහය දැක්වීමට හැකි වනු ඇත (යුක්රේනය සඳහා වන යෝජනා ක්රමයට සමාන වේ). පවුල් නැවත එක්වීමේ (Family Reunion) අයිතිය සැලකිය යුතු ලෙස සීමා කෙරේ. සරණාගතයෙකුට තම පවුල ගෙන ඒමට හැකි වන්නේ වැඩ සහ අධ්යයන වීසා මාර්ගයකට සම්බන්ධ වී සුදුසුකම් පරීක්ෂණ සපුරා ඇත්නම් පමණි.
උපුටා ගැනීම: සියළු තොරතුරු BBC ඇසුරෙනි.
