ජපානයේ සමලිංගික විවාහ තහනම ව්යවස්ථානුකූල බවට ටෝකියෝ අධිකරණයක් තීන්දු කර ඇත. මෙය ජපානයේ විවාහ සමානාත්මතාවය සඳහා බලාපොරොත්තු ඇති කරමින් රට පුරා පැවති අනෙකුත් අධිකරණ තීන්දු මඟහැර යෑමක් ලෙස සැලකේ.
සිකුරාදා ටෝකියෝ අධිකරණ පරිශ්රය ඉදිරිපිට රැස්ව සිටි පැමිණිලිකරුවන් සහ ඔවුන්ගේ නීතිඥ කණ්ඩායම අයුක්ති සහගත තීන්දුව යනුවෙන් සඳහන් පුවරු ප්රදර්ශනය කර ඇත.
ජපානය යනු සමලිංගික යුවළයන් සම්පූර්ණයෙන් පිළිගැනීමට හෝ ඔවුන්ට පැහැදිලි නීතිමය ආරක්ෂාවක් ලබා නොදෙන එකම G7 රටයි. කෙසේ වෙතත්, ආසියාවේ තායිවානය, තායිලන්තය සහ නේපාලය පමණක් සමලිංගික විවාහ සඳහා අවසර දී ඇති බැවින් ජපානය ආසියාවේ සුවිශේෂී රටක් නොවේ.
2019 සහ 2021 අතර කාලය තුළ Sapporo සිට Osaka සහ Fukuoka දක්වා රට පුරා ගොනු කරන ලද සමලිංගික විවාහ නඩු හයක් පිළිබඳව ලබා දුන් මහාධිකරණ තීන්දු මාලාවේ අවසාන තීන්දුව මෙයයි. මෙම තීන්දු අතරින් පහක්ම තහනම ව්යවස්ථා විරෝධී බවට තීරණය කර ඇතත්, ඔවුන් වන්දි ඉල්ලීම් ප්රතික්ෂේප කර තිබුණි.
උපුටා ගැනීම: සියළු තොරතුරු BBC ඇසුරෙනි.
