Forbes සඟරාවේ නවතම වාර්තාවන්ට අනුව, එලොන් මස්ක් (Elon Musk) ලොව ප්රථම වරට ඇමරිකානු ඩොලර් බිලියන 600 ක වත්කමක් හිමි කරගත් පුද්ගලයා ලෙස ඉතිහාසගත වී ඇත. ඔහුගේ අභ්යවකාශ සමාගම වන SpaceX, කොටස් වෙළඳපොළට නිකුත් කිරීමට (IPO) සූදානම් වීමත් සමඟ මෙම වර්ධනය සිදු වී තිබේ.
SpaceX සමාගම ලබන වසරේ ප්රසිද්ධ කොටස් වෙළඳපොළට පිවිසීමට සූදානම් වන අතර, එහි වටිනාකම ඩොලර් බිලියන 800 ක් පමණ වනු ඇතැයි වාර්තා වේ. මස්ක් සතුව SpaceX හි 42% ක කොටස් හිමිකාරිත්වයක් පවතින අතර, සමාගමේ වටිනාකම ඉහළ යාමත් සමඟ ඔහුගේ වත්කම තවත් ඩොලර් බිලියන 168 කින් ඉහළ යනු ඇත.
විකුණුම්වල යම් පසුබෑමක් තිබියදීත්, ටෙස්ලා (Tesla) කොටස් මිල මේ වසරේ 13% කින් ඉහළ ගොස් ඇත. ඉදිරිපස අසුනේ ආරක්ෂක නිරීක්ෂකයින් නොමැතිව රොබෝටැක්සි පරීක්ෂා කරන බව මස්ක් පැවසීමත් සමඟ සඳුදා දිනයේදී පමණක් ටෙස්ලා කොටස් මිල 4% කින් ඉහළ ගියේය. ටෙස්ලා කොටස් හිමියන් විසින් මස්ක් සඳහා ඩොලර් ට්රිලියනයක වැටුප් සැලසුමක් අනුමත කර ඇති අතර, මෙය ආයතනික ඉතිහාසයේ විශාලතම ගෙවීම් පැකේජය වේ.
මස්ක්ගේ කෘතිම බුද්ධි (AI) ආරම්භක සමාගම වන xAI, ඩොලර් බිලියන 230 ක තක්සේරුවක් යටතේ ඩොලර් බිලියන 15 ක නව ප්රාග්ධනයක් රැස් කිරීමට සාකච්ඡා කරමින් සිටී.
උපුටා ගැනීම: සියළු තොරතුරු CNA ඇසුරෙනි.
