මෙක්සිකානු සංවිධානාත්මක අපරාධ ඉතිහාසයේ වඩාත්ම බියකරු නාමයක් වූ නෙමේසියෝ ඔසෙගුවෙරා සර්වන්ටෙස් (Nemesio Oseguera Cervantes) හෙවත් “එල් මෙන්චෝ” ඝාතනය කර තිබේ. ඔහුගේ මරණය මෙක්සිකෝව සහ ඇමරිකාව ලැබූ විශාල ජයග්රහණයක් ලෙස සැලකේ.
මෙක්සිකෝවේ මිචෝවාකාන් ප්රාන්තයේ ඉතා දුප්පත් ගොවි පවුලක උපන් එල් මෙන්චෝ, පසුව ලොවම භීතියට පත් කළ ‘ජලිස්කෝ නිව් ජෙනරේෂන් කාටෙල්’ (CJNG) නම් මත්ද්රව්ය කල්ලියේ නායකයා බවට පත් විය. ඔහු සිය බලය ව්යාප්ත කළේ අතිශය කුරිරුකම්, මිනීමැරුම් සහ ආක්රමණශීලී ක්රියා මාර්ග හරහා ය.
එල් මෙන්චෝ කොටු කර ගැනීම සඳහා මෙක්සිකානු හමුදාවට ඇමරිකානු බුද්ධි අංශවල සහාය ලැබී තිබේ. මෙවැනි ප්රබල නායකයෙකු ඉවත් කිරීම හරහා ඔහුගේ අපරාධ කල්ලිය දුර්වල වනු ඇතැයි රජය බලාපොරොත්තු වේ.
ඔහුගේ මරණයත් සමඟ ඔහුගේ අනුගාමිකයන් මෙක්සිකෝව පුරා දරුණු ප්රචණ්ඩ ක්රියා ආරම්භ කර ඇත. ගුවෙරේරෝ සිට තමාලිපාස් දක්වා ප්රාන්ත අටක මාර්ග බාධක යොදමින් සහ වෙඩි තැබීම් කරමින් කලබල ඇති කර තිබේ. මෙවර ලෝක කුසලාන පාපන්දු තරගාවලිය පැවැත්වීමට නියමිත එක් නගරයක් වන මෙහි වෙළඳසැල්වලට ගිනි තබා ඇත. අගනුවර පවා තැනින් තැන ගැටුම් වාර්තා වන බව සඳහන් වේ.
උපුටා ගැනීම: සියළු තොරතුරු BBC ඇසුරෙනි.
