ලෝක ප්රකට ඇමරිකානු ගායිකා කේටි පෙරී (Katy Perry) සහ ඕස්ට්රේලියානු මෝස්තර නිර්මාණ ශිල්පිනියක වන කේටි පෙරී (Katie Perry – විවාහයෙන් පසු දැන් කේටි ටේලර්) අතර වසර ගණනාවක් තිස්සේ පැවති වෙළඳ ලකුණු (Trademark) නීතිමය සටනින් ජය ගැනීමට ඕස්ට්රේලියානු නිර්මාණ ශිල්පිනිය සමත්ව තිබේ.
සඳුදා දින ප්රකාශයට පත් කළ මහාධිකරණ තීන්දුවට අනුව, විනිසුරුවන් තීරණය කළේ නිර්මාණ ශිල්පිනී කේටි පෙරී සිය ඇඳුම් ව්යාපාරය සඳහා එම නම භාවිතා කිරීමෙන් ඇමරිකානු ගායිකාවගේ කීර්ති නාමයට හානියක් හෝ පාරිභෝගිකයන් අතර ව්යාකූලත්වයක් ඇති නොවන බවයි.
එම සිදුවීම වනුයේ 2007 දී ඕස්ට්රේලියානු නිර්මාණ ශිල්පිනිය ‘Katie Perry’ නමින් සිය වෙළඳ ලකුණ ලියාපදිංචි කළාය. 2014 දී ඇමරිකානු ගායිකාව සිය ඕස්ට්රේලියානු සංචාරය අතරතුර ‘Katy Perry’ නමින් ඇඳුම් සහ වෙනත් භාණ්ඩ අලෙවි කිරීම නිසා නිර්මාණ ශිල්පිනිය නඩු පවරනු ලැබීය. 2024 දී මීට පෙර ලබාදුන් තීන්දුවකින් නිර්මාණ ශිල්පිනියගේ වෙළඳ ලකුණ අවලංගු කළද, ඇය ඊට එරෙහිව අභියාචනයක් ඉදිරිපත් කළාය.
විනිසුරුවන් පෙන්වා දුන්නේ ගායිකා කේටි පෙරීගේ කීර්ති නාමය ඕස්ට්රේලියාව තුළ ඉතා ප්රබල බැවින්, ඕස්ට්රේලියානු නිර්මාණ ශිල්පිනියගේ ඇඳුම් සන්නාමය දකින අයෙකු එය ගායිකාවගේ යැයි වරදවා වටහා ගැනීමට ඇති ඉඩකඩ අවම බවයි.
ඇමරිකානු ගායිකාවගේ පාර්ශවය පවසන්නේ තමන් කිසිවිටෙකත් නිර්මාණ ශිල්පිනියගේ ව්යාපාරය වසා දැමීමට උත්සාහ නොකළ බවයි. කෙසේ වෙතත්, නඩුවේ ඇතැම් කරුණු පිළිබඳව තවදුරටත් ෆෙඩරල් උසාවියේ විභාග වීමට නියමිතය.
උපුටා ගැනීම: සියළු තොරතුරු BBC ඇසුරෙනි.
