සිව් වතාවක් ලෝක කුසලාන ශූරයන් වූ ජර්මනිය සහ යුරෝපීය ප්රතිවාදීන් වන නෙදර්ලන්තය 2026 ලෝක කුසලාන පාපන්දු තරඟාවලිය සඳහා සුදුසුකම් ලබාගෙන තිබේ.
ජර්මනිය සඳුදා දින ස්ලෝවැකියාවට එරෙහිව 6-0 ක දැවැන්ත ජයග්රහණයක් වාර්තා කරමින් තම ස්ථානය තහවුරු කර ගත්තේය. ජර්මනිය A කාණ්ඩයේ පළමු තරඟයේදීම ස්ලෝවැකියාවට පරාජය විය. එහෙත්, ලෝක කුසලාන සුදුසුකම් ලැබීමේ තරඟ ඉතිහාසයේ ඔවුන් ලැබූ තුන්වන පරාජයෙන් ගොඩ ඒමට සමත් වූ ඔවුන්, ඉන්පසු පිට පිට ජයග්රහණ පහක් වාර්තා කළේය.
නෙදර්ලන්තය ද සඳුදා දින ලිතුවේනියාවට එරෙහිව 4-0 ක ජයග්රහණයක් වාර්තා කරමින් සුදුසුකම් ලැබීය. ඔවුන් කාණ්ඩයේ තරඟවලදී කිසිදු පරාජයකින් තොරව (unbeaten run) සුදුසුකම් ලැබීමට සමත් විය. නෙදර්ලන්තය තවමත් තම පළමු ලෝක කුසලාන ශූරතාව අපේක්ෂා කරන අතර, ඔවුන් මීට පෙර තුන් වතාවක් අනුශූරයන් බවට පත්ව ඇත.
ජර්මනිය අවසන් වරට ලෝක කුසලාන ශූරතාව දිනා ගත්තේ 2014 වසරේදී වන අතර මෙය ජර්මනිය ලෝක කුසලානයට සහභාගී වන 21 වැනි අවස්ථාව වනු ඇත. ජර්මනියට සහභාගී වීමට නොහැකි වූයේ ආරම්භක 1930 ලෝක කුසලානයට (ඔවුන් සහභාගී නොවූ) සහ 1950 තරඟාවලියට (ඔවුන්ට සහභාගී වීමට අවසර නොලැබුණු) පමණි.
උපුටා ගැනීම: සියළු තොරතුරු AL JAZEERA ඇසුරෙනි.
