මහා බ්රිතාන්යයේ වසර 40 කට ආසන්න කාලයක් දැකීමට නොලැබුණු, දැඩි ලෙස වඳවී යාමේ තර්ජනයට ලක්ව ඇති දුර්ලභ මකුළු විශේෂයක්, බෝට්ටු මාර්ගයෙන් පමණක් ළඟා විය හැකි දුරස්ථ ස්වභාව රක්ෂිතයකින් නැවත සොයාගෙන තිබේ.
1985 දී අවසන් වරට වාර්තා වූ Aulonia albimana නම් මෙම මකුළුවා සොයාගනු ලැබුවේ, එහි පැරණි වාසස්ථානයට කිලෝමීටර 2 ක් (සැතපුම් 1.2 ක්) පමණ දුරින් පිහිටි අයිල් ඔෆ් වයිට් (Isle of Wight) හි ජාතික භාරයට අයත් නිව්ටවුන් ස්වභාව රක්ෂිතයේදීය. මෙම කුඩා තැඹිලි පාට කකුල් සහිත සත්වයා සොයාගත් අය විසින් එයට අනියමින් white-knuckled wolf spider යන නම ලබා දී ඇත.
කීට විද්යාඥයෙකු වන ග්රේම් ලියොන්ස් සමඟින් මෙම සෙවීම සිදු කළ මාර්ක් ටෙල්ෆර් මහතා මෙය හැඳින්වූයේ කිසිදා අමතක නොවන සොයාගැනීම් අතරින් එකක් ලෙසයි. මහා බ්රිතාන්යයේ වෘක මකුළු විශේෂ 38 ක් පමණ ජීවත් වන අතර, ඔවුන් වෘකයෙකු මෙන් බිම දිගේ ගොදුර ලුහුබඳිමින් එයට පනින ඔවුන්ගේ කඩිසර දඩයම් කුසලතා නිසා මෙම නම ලබා ඇත.
කෙසේ වෙතත්, Aulonia albimana ගේ දඩයම් ක්රම තවමත් යම් අභිරහසක් බව ජාතික භාරය පවසයි, මන්ද මෙම විශේෂය ඉතා දුර්වල දැල් (flimsy web) ගෙතීමට ද ප්රසිද්ධය. ටෙල්ෆර් මහතා පවසා ඇත්තේ, මකුළුවාගේ මුඛය දෙපස ඇති කුඩා කකුල් වැනි උපග්රන්ථවල ඇති කැපී පෙනෙන සුදුමැලි නකල්ස් (knuckles) මගින් ද මෙම නම සඳහා අනුප්රාණය ලැබූ බවයි.
උපුටා ගැනීම: සියළු තොරතුරු BBC ඇසුරෙනි.
